وابيضت عيناه من الحزن فهو كظيم "
هذه من أكثر الآيات اللي تدل على أثر المشاعر وعلاقتها بالأمراض..
قبل فترة اتبعت نظام حياة مختلف جداً بعد متابعتي أخصائيين تغذية وغيرهم غيرت نظام حياتي كله الأكل والنوم والحركة وكانت أكثر فترة من حياتي أكل فيها أشياء كويسة وصحية حسب التعليمات وابتعد عن كل شيء ضار !!
جلست يمكن أكثر من ٣ شهور ..
والنتيجة تعبت بعدددها مرررة وماعرفت ايش فيني أروح للدكتور يقول مافي شيء وتحاليل ومغذيات وغيرها ..
بعدها وقفت واتوازنت وسألت نفسي ودعيت رب العالمين ايش اللي صار وسالته يوريني الإجابات؟؟
كانت لهذه الفترة رسائل كثير تعلمتها منها التوازن والتدرج وأهم نقطة المشاعر..
كانت مشاعري مضطربة في هذيك الفترة مابين خوف وتوتر وتأنيب وكتمان ولوم لنفسي وووو …
أيقنت بعدها إن أغلب مانمر فيه أساسه مشاعرنا
طبعاً كانت رحلة طويلة ومازلت لليوم أتعلم وأتعلم منها
أيقنت إنه الإنسان كائن شمولي جسد وعقل وقلب وروح ولما يتعب شيء فيهم يتعب الباقي…
لذلك في رحلة حياتنا ضروري نهتم فيهم كلهم ..
لاتتهاون في شعور بسيط وتتجاهله حرره باي طريقة تريحك استغفار رياضة كلام كتابة رسم تأمل بكاء ….
فضفض لربك واشك له وبث له شعورك كامل زي ماقال سيدنا يعقوب "إنما أشكو بثي وحزني إلى الله"
المهم اسمح لنفسك إنك تحس بإحساسك بدون مقاومة احنا بشر ومشاعرك جزء كبير من بشريتك لاتقاومها وتقمعها وتسوي نفسك قوي وإنت تحس بالضعف !!
ضعفك جزء من قوتك 👌🏻
وتذكر "وخلق الانسان ضعيفاً"
قوتك تستمدها من خالقك اللي يمدك بكل شعور جميل من اتصالك بروحك اللي فيها سر النفخة الالهية ..
اهتم بأفكارك ناقشها فلترها ايش الأفكار والبرمجات الدفينة اللي تحتاج إعادة نظر لأن غالباً لما تتغير الأفكار تتغير المشاعر..
اهتم في جسدك بحب جسدك وعاء القلب والروح وهو أكثر شيء مادي يوصلك الرسائل وكل أشياء تنفعه وتحرك واسمع رسائله ..
اتصل بروحك أكثر وأكثر فكم من روح سامية مطمئنة هزمت الكثير من الأوجاع..
دامت أيامكم ولياليكم بصحة وسعادة💜💜